CULTURAS PRECOLOMBIANAS

CULTURA AZTECA 

CULTURA MAIA 

CULTURA INCA 

Cultura	Maia	Azteca	Inca
Área que ocupaban	Península Iucatán e terras baixas de México, Guatemala e Honduras	Val de México	Área que abranguía parte ou a totalidade dos actuais Perú, Bolivia, Ecuador, Arxentina e Chile.
Organización política e social	Cidades-Estado gobernadas por un xefe supremo que vivía na cidade de Maiapán. A sociedade estaba dividida en catro clases sociais: nobres, sacerdotes, campesiños e escravos (cativos de guerra).	Pobo guerreiro organizado en tribos. A capital era Tenochtitlán. A sociedade estaba organizada en varios grupos sociais: os sacerdotes, os nobres, os homes libres e os escravos.	O xefe supremo era o inca, considerado fillo do deus Sol. A súa capital era Cuzco. A sociedade estaba formada por varios grupos: nobres, pobo, servos e os escravos. A maioría da poboación era campesiña.
Economía	Agricultura. Cultivo do millo, cacao, fabas, cabazas, tomates, especias e outros produtos.	Agricultura: cultivo do millo, cabaza e tomate. Cultivaban en xardíns flotantes (chinampas). Cobraban tributos aos pobos veciños e adoitaban sacrificar moitos inimigos derrotados.	Agricultura: millo e pataca. Para cultivar en zonas montañosas (Andes) crearon socalcos. Os animais domésticos máis importantes eran as alpacas e as llamas, das que obtiñan alimento, medio de transporte e para elaborar tecidos.
Manifestacións culturais e artísticas	Astronomía, matemáticas. Calendario e sistema de escritura propios. Pirámides graduadas.	Destaca a cidade de Tenochtitlán e as pirámides graduadas.	Ourivaría (traballo cos metais, ouro e cobre). Instrumentos de cerámica decorados con figuras humanas, animais e vexetais. Arquitectura: destaca o conxunto do Machu Picchu nos Andes peruanos.

UNHA RÁPIDA CONQUISTA. 
En apenas 50 anos (1492-1550) un reducido número de españoles destruíron os imperios azteca e inca. Como foi posible a conquisa de territorios tan vastos sen dispoñer dun exército numeroso e ben preparado? 

- Crenzas míticas sobre a chegada dos invasores: antigas profecías fixeron que os españois foran vistos como deuses. Os aztecas identificábanos con Quetzal e os incas con Viracocha. Isto explica que fosen recibidos con todos os honores. Máis tarde decataríanse do seu erro, pero xa era demasiado tarde. 
- A relixión: a maioría das relixións indíxenas tiñan un concepto cíclico da vida, e van aceptar a conquista como algo inevitable. En cambio, os españois consideran que están cumplindo cunha misión case divina. 
- A superioridade técnica: as armas de fogo e os animais descoñecidos polos indios ( o cabalo, os cans grandes). Tampouco coñecían a roda, nin tiñan armaduras. Imaxinade se nunca antes vírades a un ser humano con armadura e montado nun animal que non coñecedes (o cabalo), tamén pensariades que era algo "sobrenatural" ou cando menos quedaríades algo pasmados. 
- A guerra: os españois van ofrecer unha guerra continua, rápida, que non entra na mentalidade da poboación local, para quen a guerra era fundamental para obter cautivos para os sacrificios.
- Poboación local aliada: os españois van atopar importantes aliados entre os mesmos indíxenas (Cortes na súa guerra contra os aztecas de Monctezuma). 
- Enfermidades que trouxeron os españois: a gripe, o sarampión e as papeiras que tiveron consecuencias tráxicas para os indíxenas. 

- A debilidade dos grandes imperios: tanto os aztecas como os incas tiñan graves problemas políticos internos que os debilitaron fronte os invasores. 
- A brutalidade coa que moitos conquistadores se comportaron. Os indíxenas foron tratados duramente, a pesar da prohibición do maltrato por parte dos monarcas españois, posto que os indíxenas eran considerados como súbditos da Coroa.