CANTOS ERAN OS REIS MAGOS?

Hoxe os meus alumnos e alumnas de 2º ESO ao comentar a imaxe de Santa María de Tahull (Lleida) preguntábanme por que Baltasar non eran negro. 

Cantos eran os Reis Magos? Quenes eran? Como eran? As fontes escritas sobre as que se basou a iconografía destes personaxes non coincidían en número, porque o Evanxelio de San Mateo, o único que conta a adoración dos Reis (Epifanía), non dicía nada de cantos foron. Podían ser dous, catro ou hasta doce.

Por que se optou por tres? Os tres agasallos (ouro, incenso e mirra) que ofreceron a Xesús levaron a pensar que foron tres os Magos de Oriente, así como tres eran as partes do mundo que se coñecían na Idade Media: Asia, África e Europa, de forma que se correspondía coas tres razas do xénero humano das que fala a Biblia, descendentes de Sem, Cam e Jafet, os fillos de Noé. Pero, o feito de que as autoridades relixiosas acabaran fixando o seu número en tres foi relacionado co misterio da Santísima Trinidade. Pero ata entón, esta indefinición levou, por exemplo, a que despois do descubremento de América se representara nalgunha ocasión a un cuarto rei, un rei das Indias Occidentais, para personificar o cuarto continente recén descuberto.

Cando pasa a representarse Baltassar coa pel de cor negra? Pois cara finais do Gótico. Esta proposta tivo a súa orixe en Alemania, a comezos do século XV, e acadou gran difusión en toda Europa na segunda metade da centuria. E de aí, ata os nosos días.